أصعب قرار خذيته * * اللّي بيك يربطني خلاص نسيته
وأحسن قرار ** خذيت قرار لايشمله نقاش لا حوار
ولا عليه نلوم لا اعتذار ** لانريد منا لاسلام ان جيته
نادم وراه لمشيتي مشوار ** وبيدي رفعته في السّما علّيته
وأجمل قصائد قالهن نزار ** أسلوبه عجبني ع العزيز قريته
وقتله الجنة تريد والله نار ** ادلّل وقول تريد أين ميته
ياصدر دافي ياكتاب أشعار ** خايف تركته والخيار عطيته
وزيدني جنون وعشق فيه امرار **وكنّك قتلت القلب راك حييته
جميع مابنيته في غلاه انهار ** وكيف مانوالي ع الفراق نويته
اليوم ع العواطف نفرضه حصار ** حتى إن كان قلبي معترض حسيته
لقيته ضروري ماهناك خيار ** يمارس العقل معاه دكتاتوريته
لاجل سوايا م العزيز اكبار ** ولاجل عزاء ماعاد فيه القيته
ولاجل حملتا في ياما دار ** ولاجل عزيز معاي سودا نيته
كمّين لفت نظر له وإنذار ** القيت فصلته م القلب حلّ قضيته
قرار وجاير * * * لكن عزيز معاي ياما داير
دوّرت واجد ماالقيت دباير * * كم عيب قابل والنظر واطيته
صابر نمشي في العزيز نساير * * وحامل خطاه وفيه ماعابيته
مرة نقول مغير عقله فاير * * ومرة نقول العيب فيّ القيته
غالي عليّ ومانريد خساير * * على قيس مانقدر خطاه كميته
مغير نا نصبّح والعزيز يعاير * * وانشد سلكه ماانشدّ رخيته
راحل وراه ولا نزل لاطاير * * بين السّما والأرض باني بيته