السوق الليبي
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
[b]ادارة المنتدي [/b

السوق الليبي

كل ماهو جديد في السوق الليبي بيع شراء عرض منتجات
 
الرئيسيةس .و .جبحـثدخولالتسجيل
مرحباً بكم اعضائنا الكرام في السوق الليبي  هذا السوق منكم واليكم  نتمنى منكم ان تفيدو وتستفيدو وشكرا أخوكم   admin
    الزائر الكريم يمكنك التسجيل معنا والمشاركه في  دردشة السوق الموجوده اسفل السوق

شاطر | 
 

 مسكر على مافيه خليه خاطرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق 2010
متسوق نشيط
متسوق نشيط


البلد : ليبيا
عدد المساهمات : 19
تاريخ التسجيل : 14/02/2010
العمر : 43
المزاج : رايق

مُساهمةموضوع: مسكر على مافيه خليه خاطرى   الإثنين مارس 08, 2010 3:13 pm

مسكر علي ما فيه .. راك تفتحه تبكي سنين عليه .. خليه خاطري

ما تقرّب شوره .. خليه فاقد بسمته وسروره
وخليه دافن علته مطموره .. وخليه متناسي اللي مكديه
لو تقربه تبقى أسباب اسموره .. وتخطّر عليه أقهار وتبكيه
اشبوب الزها ما يوم نزلن شوره .. وديما اللي في غايته تخاطيه
عاليات ما هدين نهار بحوره .. لرياح لربعة تخلاق برمن فيه
عايش معيشة تقول بين اقبوره .. إن كانهو خذا غفوة خيال يجيه
وعايش بنار ملهلبة مكبوره .. وتقول حالفة بيمين ما تخليه
محبوس بظليمة ف سجن عالي سوره .. وفارح بحكم إعدام ومراجيه

امسكر بابه .. لا تفتحه تبقى أسباب عذابه
وتخطّر عليه اوحود كانوا احبابه .. وكانوا أعزاز ف وقت من ماضيه
وداروا اللي مادارها في حسابه .. فيهم إن حتحته بهم عزيه
منهم فقد السيطرة وصوابه .. أيهفوا أوقات ينّزحوا ماقيه



لا تخطّر ماضي .. هو سبب جرحي وهو أسباب أمراضي
الخاطر معبا هموم ما هو فاضي .. خزين الكواين ساده كافيه
مغير ما يوري دايماً متغاضي .. لو تدخله ماعد حياة تعطيه
خصمه محامي ومستشار وقاضي .. حكم البراءة ما نهار يجيه
عاش في زمان عليه ما هو راضي .. قاوم نصيب وف العقاب أرضيه

خله امسكر .. لو تفتحه ماضي نساه أتّذكر
وتخّطر عليه اللي عليه تنكّر .. اللي بايعه وهو بالغلا شاريه
أسباب الخطا فيهن الخاطر فكر .. يريد يلتمسله عذر مو لاقيه
ضايق ملاجه خاطري متعكر .. وحامل مرض ماعد دوا يشفيه
وسابق خريفه ع الربيع وبكّر .. وياس بقبالي يردمن سافيه
الرجوع الى أعلى الصفحة اذهب الى الأسفل
 
مسكر على مافيه خليه خاطرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السوق الليبي :: منتدى الشعر والخواطر-
انتقل الى: